2010-06-01   Հանդիպում կենտրոնում ԵՊՀ իրավագիտության ֆակուլտետի էկոլոգիական իրավունքի գիտաուսումնական կենտրոնը սույն թվականի մայիսի 25-ին հյուրընկալել էր ԵՊՀ Գավառի մասնաճյուղի տարբեր ֆակուլտետների ուսանողներին: Այցելության նպատակն էր ծանոթանալ կենտրոնի գործունեությանը և խորացնել համագործակցությունը կենտրոնի և Գավառի մասնաճյուղի միջև: Գավառի ուսանողների հետ հանդիպման ընթացքում քննարկվեցին մի շարք հարցեր էկոլոգիական հիմնախնդիրների վերաբերյալ, մասնավորապես` հասարակության դերակատարությունը շրջակա միջավայրի պահպանության գործում, ուսանողների պատշաճ իրազեկումը բնապահպանակն խնդիրների և դրանց լուծման իրավական ուղիների վերաբերյալ: Այցելության արդյունքում որոշվեց աշխատանքներ տանել Գավառի մասնաճյուղում էկոլոգիական իրավունքի առավել խորացված դասընթացներ կազմակերպելու համար: